ఈ పుట అచ్చుదిద్దబడ్డది
రేకు: 0216-5 భైరవి సంపుటం: 08-095
పల్లవి:
ఆతనివగలెరఁగరమ్మలాల
చేతులువట్టి బలిమిసేయకురే మీరు
చ. 1:
నిద్దిరించేనంటాను నెలఁతలరాకలకు
వొద్దికెఁగాచుక వున్నాఁ డూరకే తాను
వొద్దికి రమ్మనీనంటా వొడివట్టి తియ్యకురే
యిద్దరు చెలులున్నారు యెక్కుడా నేను
చ. 2:
మోనాననుండేనంటా మచ్చుటతోఁజెలులకు
ఆనుక పొంచుక వున్నాఁడక్కడఁదాను
ఆనవెట్టెనాతఁడంగానందరుఁబిలువకురే
లోననున్నవారికంటె గుట్లునేరుతునా
చ. 3:
చేసన్న సేసేనంటా సేమంతి బంతిని నన్ను
వేసె శ్రీవేంకటాద్రి గోవిందుఁడే తాను
సేసవెట్టి కూడినాఁడు చెరఁగు వట్టించకురే
బాసగొన్నవారికంటె బలువా నేను
