ఈ పుట అచ్చుదిద్దబడ్డది
రేకు: 0216-2 వరాళి సంపుటం: 08-092
పల్లవి:
ఎన్నఁడూనెరఁగమయ్య యిటువంటి పనులు
నిన్నుఁనాపెఁ గంటిమయ్య నేరుపులపొగుల
చ. 1:
నిన్నుఁజూచి వడదేరీ నెలఁత అల్లంతనుండి
కన్నులనే వలపులు కాచుకున్నవో
పన్నిన సిగ్గులువీడఁ బయ్యద జారఁగఁదోసె
చన్నులనే జవ్వనము సాదించీనో
చ. 2:
ఘాతలనె చెనకీని కాంత నీమోము చూచి
చేతులనె తమకము చిమ్మిరేఁగీనో
కాతరాన నీగుణాలు కడుఁగడుఁ గొసరీని
దూతికెవలెనే మాట దొమ్మిసేసీనో
చ. 3:
అక్కుపైనిలిచి కూడె నలమేలుమంగ నిన్ను
చక్కఁదనమెల్ల నీకు సంచమాయనో
గక్కన శ్రీవేంకటేశ కాయముఁ గాయమునంటె
పెక్కువ సింగారాలు పెనఁబెట్టెనో