ఈ పుట అచ్చుదిద్దబడ్డది
రేకు: 0214-5 మెంచభౌళి సంపుటం: 08-083
పల్లవి:
ఎంతవానికెంతవట యేలే యింత
మంతనాన నుండియును మాకుదీరదా
చ. 1:
కొప్పు దువ్వితేఁ బతిపైఁ గోపగించుకొనేవేమే
తప్పులేని తప్పుమోపి తమకింతురా
విప్పుచుఁ బ్రియము చెప్పి వేఁడుకొనీ నాతఁడే
దప్పిదేరె మోవిచూచి దయ వుట్టదా
చ. 2:
ధీరతతోఁ జెక్కు నొక్కితేను విదిలించేవేమే
దూరులేని దూరుగట్టి దొమ్మిసేసేవు
సారపు నీసుద్దులెల్లా చవిసేసినాతఁడే
ఆరీతినాతనిఁ జూచి ఆయము గరఁగదా
చ. 3:
చిప్పిలఁ గాఁగిలించితే జీరవారెననేవేమె
చొప్పులేని చొప్పులెత్తి సూడువట్టేవే
అప్పఁడు శ్రీవేంకటేశుఁ డలమేల్‌మంగవు నీవు
చొప్పులుగాఁ బెంజెమట చూచి చింత వాయదా
