ఈ పుట అచ్చుదిద్దబడ్డది
రేకు: 0212-4 తెలుఁగుఁగాంబోది సంపుటం: 08-070
పల్లవి:
ఒద్దేలే జగడాలు వోయింతి
సిద్దెబట్టి కోరికలు చిత్తఁగించఁ గదవే
చ. 1:
మొగముచూచి యతఁడు మోవితేనెలడుగఁగా
వొగరులేలాడేవే వోయింతి
నగవుల పంచదార నాథుఁ డందుపై జల్లి
జిగి చవిచేకొనీఁ జిత్తగించఁ గదవే
చ. 2:
వాటపు వలపతఁడు వారవట్టుకుండఁగాను
వూటలేల పోఁ జల్లేవే వోయింతి
పాటించి సరసముల పన్నీరతఁడు నించి
చీటికి మాటికి వేఁడీ చిత్తగించ గదవే
చ. 3:
అప్పుడే కాఁగిటఁ గూడి ఆయములతఁడంటఁగా
వుప్పతించేవేలె రతులోయింతి
చిప్పిలె కాఁగిటిలోన శ్రీవేంకటేశ్వరుఁడు
చెప్పరాని చేఁత సేసీఁ జిత్తగించ గదవే
