ఈ పుట అచ్చుదిద్దబడ్డది
రేకు: 0210-5 ధన్నాశి సంపుటం: 08-059
పల్లవి:
వేసవియెండలుండునా వేరె వానకాలానకు
పాసినకాఁకలు రతి పచరించ వచ్చునా
చ. 1:
పేరఁబెట్టితే వలపు పెరుగువంటిదెపో
కేరి కాఁచఁబోతే విరిగి పోవుఁ గాని
గారవించే రమణుని కతలకు లోఁగావే
దూరఁబొయ్యేవుగనక తుత్తుమురౌ మనసు
చ. 2:
చవిగొంటే తమకము చక్కెరవంటిదె పో
కవ వాసితే అట్టె కారమౌఁ గాని
నవకపు నాయకుని నవ్వులెల్లాఁ జేకొనవే
తిరిరేరుగనక పై తీగె సాగు చలము
చ. 3:
పనిగొంటే జవ్వనము బంగారువంటిదె పో
దినములు దొబ్బితే వన్నెదీఁ గాని
యెనసెను శ్రీవేంకటేశుఁడు న(ని?)న్నింతలోనే
పెనఁగేవుగనక ముప్పిరిగొను బీరము
