ఈ పుట అచ్చుదిద్దబడ్డది
రేకు: 0245-6 దేసాళం సంపుటం: 08-270
పల్లవి:
బుద్ధిమంతుఁడ వౌదువు పూఁచి బతుకఁ గలవు
వొద్దికతో నాకిపు డొక్క మనసాయను
చ. 1:
యేతులు నెరపవచ్చు నెమ్మెలాడుకొనవచ్చు
నాతోడి నవ్వులె నయమా నీకు
ఆతలివారైతె నిన్ను నన్నిటాఁ గాకు సేతురు
చేతికి లోనయినవారిఁ జెనకితే మేలుగా
చ. 2:
బాలు సేయంగవచ్చు పలుమారు బొంకవచ్చు
ఆసలు మాతోడిపొందు అనువా నీకు
పోసవోని వారయితె ముయికి మయి సేతురు
వాసి మానాపతులనె వంచుకొంటేఁ జెల్లునా
చ. 3:
గుట్టుసేసుకొనవచ్చు కూరిమి గొరవచ్చు
యిట్టి మాకూటములె యితవా నీకు
ఱట్టుసేతు రిందరు నాఱడి శ్రీవెంకటేశ
మట్టుతోడి వారినె మన్నించితేఁ దగుఁగా