ఈ పుట అచ్చుదిద్దబడ్డది
రేకు: 0245-5 వరాళి సంపుటం; 08-269
పల్లవి:
వలపు నీరువంటిది వాడరాదు
తలఁపు మాకిద్దరికె తారుకాణైవుండును
చ. 1:
మలసి ఆతఁడాడిన మాటలు నాతోఁ జెప్పి
చలము రేఁచకురె సతులాల
తెలిసితి నేఁ దొల్లె తేనె(లె?) పొన్నాకుమీఁ దిదె
మెలఁగి నేఁడు గొత్తలు మీకింతె కాని
చ. 2:
యిదివో విభుఁని నన్ను నెదురుకట్లఁజూపి
మదము వెంచకురె మగువలాల
పదరి పండిదేరెనుఁ బంటిలోని రసములు
అదనెరఁగక మీరు అలసేరుగాని
చ. 3:
గక్కన శ్రీవెంకటేశ కాఁగిటిలో నన్నుఁగూర్చి
పక్కన నవ్వకురె పడఁతులాల
చిక్కెను నాకుఁ దొల్లె చెరకుపండినపండు
పెక్కుమారులు మీరు పెనఁగేరుగాని