ఈ పుట అచ్చుదిద్దబడ్డది
రేకు: 0241-6 సాళంగం సంపుటం: 08-246
పల్లవి:
మేమొక జాడవారము మీరలేము మీమాటలు
ఆమాటలు నెరపితే నందరికి సమ్మతా
చ. 1:
పోఁడిమి నాశాంతాలు పొగడేవు సారె సారె
నాఁడె నీవిచ్చిన బుద్ధి నాకుఁ గద్దుగా
కోఁడి నన్ను లోనుసేసుకొని నీయిచ్చఁ దిరిగి
ఆఁడుజాతి కిదేచాలు అంటె వారోరుతురా
చ. 2:
పిలిచి నన్నిందరిలో పెద్దరికము సేసేవు
తొలుతె చేపట్టితిగా తూరి రక్షించ
యిల నన్నొడఁ బరచి యిందరినిఁ బెండ్లాడి
పొలమెల్లా నిట్టె చుట్టుకొంటె వారోరుతురా
చ. 3:
కూడి నన్ను నారతులె గురుతులు సేసాడేవు
జోడు గద్దుగా నిన్నుఁ జూపి చెప్పను
యీడనె శ్రీవెంకటేశ యేలితివి నన్ని (న్ను?) సూటి
వాడకెల్లా నేర్పెనంటె వారిందు కోరుతురా