ఈ పుట అచ్చుదిద్దబడ్డది
రేకు: 0231-4 కన్నడగౌళ సంపుటం: 08-185
పల్లవి:
హత్తి రాజసపువాఁడ వయినాఁగాని
చిత్తమువచ్చినయట్టు సేతువుగాని
చ. 1:
చనవు గలిగేనంటా సారె సారె మాటలాడె
విని విని నీవేమి వేరకుమీ
మనసునఁ గలదెల్లా మరిదాఁచనే నీకు
మునుకొన్న సతులకు ముచ్చట స్వభావము
చ. 2:
నిండిన మందెమేళాన నీతో సరసమాడేను
అండనే అందుకు లోనై అలయకుమీ
వుండిన దున్నట్టేకాని వూరకే కల్పించనోప
నిండు గరితెలాడితే నిజమునిష్టూరము
చ. 3:
కాతరాన నిన్ను నిట్టే కాఁగిలించుక కూడితి
నాతమకములుచూచి నవ్వేవు సుమ్మీ
ఘాతల శ్రీవెంకటేశ కైకొంటివి నిన్ను దూర
రాతిరిఁబగలునుండి రతులఁ జొక్కితివి