ఈ పుట అచ్చుదిద్దబడ్డది
రేకు: 0230-6 మెంచభౌళి సంపుటం: 08-180
పల్లవి:
ఎవ్వరు బుద్దిచెప్పేరు యిద్దరికి మీకు నిఁక
అవ్వల నివ్వల నీవే ఆదరించు మీపెను
చ. 1:
మచ్చరపు సతులతో మారుమలతువుగాక
యిచ్చకపు సతితోడ నింతగలదా
తచ్చి నీకు కుంచవేసి తలవంచుకున్నదాపె
గుచ్చి నీవైతే మోనాన గుట్టుననున్నాఁడవు
చ. 2:
పంతపు వనితలనె పైపై సాదింతువుగాక
చింతించే నీవద్దిచెలిఁ జిమ్మిరేఁతురా
మంతనాన విడెమిచ్చి మానాన మణిఁగీనాపె
రంతుల నీవైతేను రాజముచూపేవు
చ. 3:
వేసాల మగువలతో విఱ్ఱవీఁగుదువుగాక
ఆసపడ్డకాంత నింత అలయింతురా
పాసిన కాఁకలుదీర పాదములొత్తీనాపె
శ్రీ సతీశ కూడితివి శ్రీ వెంకటేశుఁడవు