ఈ పుట అచ్చుదిద్దబడ్డది
రేకు: 0224-3 సాళంగనాట సంపుటం: 08-141
పల్లవి:
నడుమఁ జెమట భవనాశియేరు మీకునబ్బె
ఆడియాలముగ లోలోనందెఁగా మీవలపు
చ. 1:
యెదురుఁ గొండపైనెక్కి యిందిర నీపైఁ గుచము
లెదురుచాఁచి వొత్తెనేడకు నేడ
కదిసి శ్రీ నరసింహ కాఁగలించితి వాపెను
అదన నిందుకు నందు నందెఁగా మీవలపు
చ. 2:
యీడనుండి తన పాదమింతి నీతొడపైఁ జాఁచి
యీడుజోడుగాఁ గూచుండెనిచ్చ యెరిఁగి
వేడుక నీమోవినాపె ఇందుగా మోవంటితివి
ఆడానీడా దోఁటిగా నేఁడందెఁగా మీవలపు
చ. 3:
నీనీడ ఆపైపైఁ బారి నీఫైనాపెనీడవారి
తానకమై రెంటా మీరు తగిలితిరి
పూని యహోబలమునఁ బొంచి శ్రీ వేంకటేశుఁడ
ఆనకమై రెంటాఁ బెండ్లైయంటెఁగామీవలపు