ఈ పుట అచ్చుదిద్దబడ్డది
రేకు: 0223-6 హిజ్జిజి సంపుటం: 08-138
పల్లవి:
దానికేమి తప్పదింతా తానే నేను
కానుకలు పచరించ కాలమెల్లా వలెనా
చ. 1:
మాటలే మూటలాయ మంతనములాడఁగాను
యేఁటివే తనసుద్దులు యెందాఁకానే
పాటించి తా మగఁడైన ఫలమిది చాలదా
కూటమికిఁ గొసరఁగ కొలువులో వలెనా
చ. 2:
చూపూలే రూపులాయ చూడఁగాఁ జూడఁగాను
యేపునఁ దనయెమ్మెలు యెందాఁకానే
చేపట్టి తాఁ బెండ్లాడేచేఁత యిదే చాలదా
తీపులు పచరించను తెరలోనే వలెనా
చ. 3:
నవ్వులే పువ్వులాయ నాపైఁ దనమోహమున
యెవ్వరు నెరఁగనివా యెందాఁకానే
రవ్వగాఁ గూడె శ్రీ వెంకటరాయఁడిది చాలదా
వువ్విళ్ళూర సన్నసేయ వొద్దనిట్టే వలెనా