ఈ పుట అచ్చుదిద్దబడ్డది
రేకు: 0056-2 కన్నడగౌళ సంపుటం: 06-086
పల్లవి:
ఒప్పమి మేలై యొనఁగూడె నాకు
నె(త?)ప్పులే ఒప్పవుట చెప్పనేలమ్మా
చ. 1:
నవ్వులచూపులు నాఁటినచోటు
నొవ్వులు సేయక నొచ్చీనే
దవ్వులమాటలు తాఁకినతావూ
రవ్వలచేఁతల రాఁగీనే
చ. 2:
తియ్యపుఁ జేఁతలఁ ద్రెవ్వినచోటు
వయ్యమై హృదయము నాడీనె
కయ్యపుఁ గాఁకలఁ గ్రాఁగినతావూ
ఒయ్యన ఫై పై నుడికీనే
చ. 3:
కొండలరాయనిఁ గూడిన మనసూ
కొండయి లోలోనె కూడీనే
నిండిన తమకము నించిన యతఁడూ
మెండైన నాప్రేమ మెచ్చీనే
