ఈ పుట అచ్చుదిద్దబడ్డది
రేకు: 0049-2 సామంతం సంపుటం: 06-044
పల్లవి:
మనసునఁ బొడమిన కోపము మనసునకంటెనుఘనమఁట
మనసిజుఁడుద్చోధకుఁడఁట మాటల పని యేల
చ. 1:
దవ్వుల కొండల పవనుఁడు తనుతాప ప్రేరకుఁడట
నవ్వులఁ బుట్టిన చూపులు నాటెడి యమ్ములఁటా
పువ్వులు సోఁకిన యంతనే పొక్కెడునఁట దేహంబులు
యెవ్వఁడెఱుంగును ఈవిధమేమని చెప్పుదమూ
చ. 2:
చక్కఁదనములఁట గుండెలు జల్లనం జేయఁగలవఁట
మక్కువలఁట దేహంబులు మరవఁగఁ జేయునఁటా
కిక్కిఱిసిన తమకంబులు క్రిందును మీఁదు నెఱుఁగవఁట
ఱెక్కల పులుగుల పలుకులు ఱేఁపెడువుండ్లఁటా
చ. 3:
సంతసములుఁ జతురతలును సౌభాగ్యవిలాసములును
మంతనములు మోహంబులు మందులసంచులటా
యింతటికిని తగుమూలం బీవేంకటవిభుఁడట
యింతి తలంపునఁ గలుగుట లిఁక నెన్నఁగనేలా
