ఈ పుట అచ్చుదిద్దబడ్డది
రేకు: 0045-3 సౌరాష్ట్రం సంపుటం: 06-021
పల్లవి:
ఈడేరని యట్టి వలపేఁటికమ్మా
యీడు జోడుగాని వలపేఁటికమ్మా
చ. 1:
తనువు తనువు గూడి తమకము మీఁద మీఁద
నినుమడించని వలపేఁటికమ్మా
మనసు మనసు తోడ మక్కళించి సందు లేక
యెనసి వుండని వలపేఁటికమ్మా
చ. 2:
మచ్చికల చేఁతల మతి లోలురై తా
మిచ్చ యెఱుఁగని వలపేఁటికమ్మా
తచ్చనయలుకలతో ధన్యత ప్రేమల
యెచ్చకున్న యట్టి వలపేఁటికమ్మా
చ. 3:
పంతము చెరిచి వాఁడు పానుపు మీదికి వచ్చి
యింత సేయ లేని వలపేఁటికమ్మా
కంతు నిఁకేలని శ్రీ వేంకటపతి నన్ను గూడె
నింత హెచ్చులేని వలపేఁటికమ్మా