రేకు: 0013-03 కన్నడగౌళ సం: 01-079 వెరాగ్యచింత
పల్లవి: |
దైవకృతంబట చేఁతట తనకర్మాధీనంబట
కావలసిన సౌఖ్యంబులు గలుగ కమానీనా
|
|
చ. 1: |
ఎక్కడిదుఃఖపరంపర లెక్కడిసంసారంబులు
యెక్కడిజన్మము ప్రాణులకేలా కలిగినది
యెక్కడిమోహవిడంబన యెక్కడియాశాబద్ధము
యెక్కడికెక్కడ నిజమై యివి దాసుండీనా
|
|
చ. 2: |
యీకాంతలు నీద్రవ్యము లీకన్నూలవెడయాసలు
యీకోరికె లీతలఁపులు యిట్టే వుండీనా
యీకాయం బస్థిరమన కీదుర్దశలకు లోనై
యీకల్మషములఁ బొరలఁగ నివి గడతేరీనా
|
|
చ. 3: |
దేవశిఖామణి తిరుమల దేవుని కృపగల చిత్తము
పావనమై దురితంబులఁ బాయక మానీనా
ఆవిభుకరణరసమున నతఁడే తను మన్నించిన
ఆవేడుక లీవేడుక లాసలు సేసీనా
|
|