ఈ పుట ఆమోదించబడ్డది
రేకు: 0010-01 శంకరాభరణం సం: 01-061 వైరాగ్య చింత
పల్లవి: పదిలము కోట పగవారు
అదనఁ గాచుకొందు రాఱుగురు
చ. 1: ఇమ్మైఁ జెప్ప యిందరిచేత
తొమ్మిదినెల్లఁ దోఁగినది
కొమ్మతీరునఁ గుదురైనకోట
దొమ్మికాండ్లై దుగు రుందురు
చ. 2: వొంటికాఁడు రాజు వుడుగక తమలోన
వొంటనీనిమంత్రు లొక యిద్దరు
దంటతనంబునఁ దమయిచ్చఁ దిరిగాడు-
బంటు లేడుగురు బలవంతులు
చ. 3: కలవు తొమ్మిది కనుమల తంత్రము
నిలుపఁగలిగినట్టినెరవాదులు
తెలిసి కొనేటితిమ్మినాయఁడు చొచ్చె
బలిసె యీకోట భయమేల
