ఈ పుట ఆమోదించబడ్డది
రేకు: 0008-03 ముఖారి సం: 01-051 భక్తి
పల్లవి: నదు లొల్లవు నా స్నానము కడు-
సదరము నాకీ స్నానము
చ. 1: ఇరువంకల నీయేచినముద్రలు
ధరియించుటే నాస్నానము
ధరపై నీనిజదాసులదాసుల-
చరణధూళి నాస్నానము
చ. 2: తలఁపులోన నినుఁదలఁచినవారలఁ
దలఁచుటే నాస్నానము
వలనుగ నినుఁగనువారల శ్రీపాద-
జలములే నాస్నానము
చ. 3: పరమభాగవతపాదాంబుజముల-
దరుశనమే నాస్నానము
తిరువేంకటాగిరిదేవ నీకథా
స్మరణమే నాస్నానము
