ఈ పుట ఆమోదించబడ్డది
రేకు: 0100-06 సాళంగం సం: 01-506 అధ్యాత్మ
పల్లవి: మొఱవెట్టెదము మీకు మొగసాలవాకిటను
మఱఁగుచొచ్చితి మీకు మముఁ గావరో
చ. 1:
యేపున మనసనియేటిమా పెంపుడు లేడు
పాపమనేయడవిఁ బడినది
రావున హరికింకరపు వేఁకకాండ్లాల
పైపైని మా కింక బట్టియ్యరో
చ. 2:
అంచెల మా విజ్ఞానమనెడి కామధేనువు
పంచేంద్రియపు రొంపిఁ బడినది
మించి వైకుంఠన కేఁగేమేటి తెరువరులాల
దించక యెత్తెత్తి వెళ్లఁదియ్యరో
చ. 3:
అండనే మోహంధకారమనెడి మాదిగ్గజము
దండి మీదయనేటివోఁ దానఁ బడెను
నిండి శ్రీవేంకటేశుఁడ నేటిమావటీనిచేత
గండికర్మపుకంబానఁ గట్టించరో
