ఈ పుట ఆమోదించబడ్డది
రేకు: 0100-05 బౌళి సం: 01-505 వైరాగ్య చింత
పల్లవి:
సుఖమును దుఃఖమును జోడుకోడెలు
అఖిలముఁ గన్నవాడు అడ్డమాడ రెపుడు
చ. 1:
యెందాఁకా సంసార యెనసి తాఁ జేసేను
అందాఁక లంపటము లవి వోవు
కందువ జీవుఁడు భూమిఁ గాయ మెన్నాళ్ళు మోఁచె
అందుకొన్నతనలోనియాసలూఁ బోవు
చ. 2:
అప్పటిఁ దనకు లోలో ఆఁక లెంతగలిగినా
తప్పక అందుకుఁ దగ దాహముఁ బోదు
అప్పు దనమీఁద మోచి అదె యెన్నాళ్లు వుండె
ముప్పిరి వడ్డివారక మూలనుండినాఁ బోదు
చ. 3:
దైవముపై భక్తిలేక తనకు నెన్నాళ్లుండే
దావతి కర్మపుపాటు తనకుఁ బోదు
శ్రీవేంకటేశ్వరునిసేవ దన కెప్పు డబ్బె
వోవరి నందలిమేలు వొల్లనన్నాఁ బోదు