ఈ పుట ఆమోదించబడ్డది
రేకు: 0100-03 లలిత సం: 01-503 కృస్ణ
పల్లవి:
ఏల మోసపోయిరొకో యెంచి కాలపువారు
బాలకృష్ణునిబంట్లై బ్రదుకవద్దా
చ.1:
పనులఁగాచేవాని బ్రహ్మ నుతించెనంటేను
దెసల దేవుఁడేయని తెలియవద్దా
సిసువు గోవర్ధనాద్రి చేతఁ బట్టి యెత్తెనంటే
కొస రీతనిపాదాలే కొలువవద్దా
చ.2:
నరునికి విశ్వరూపున్నతిఁ జూపెనంటేను
నరహరి యితఁడని నమ్మవద్దా
పరగఁ జక్రముచేత బాణుని నఱకెనంటే
సొరి దీతని శరణుచొఱవద్దా
చ.3:
అందరుసురలలోన నగ్రపూజ గొన్నప్పుడే
చెంది యీతనికృపకుఁ జేరవద్దా
అంది శ్రీవేంకటేశుఁ డట్టె ద్రిష్టదైవమంటే
విందులఁ బరులసేవ విడువవద్దా
