ఈ పుట ఆమోదించబడ్డది
రేకు:0౦97-05 భైరవి సం: 01-487 భగవద్గీత కీర్తనలు
పల్లవి:
నీవేమి సేతువయ్య నీవు దయానిధి వందువు
భావించలేనివారిపాప మింతేకాని
చ.1:
పరమపద మొసఁగి పాపమడంచేనని
చరమశ్లోకమునందు చాటితివి తొలుతనె
నిరతిని భూమిలోన నీవల్లఁ దప్పు లేదు
పరగ నమ్మనివారిపాప మింతేకాని
చ.2:
నీపాదములకు నాకు నెయ్యమైన లంకెని
యేపున ద్వయార్థమున నియ్యకొంటివి తొలుత
దాపుగా నీవల్ల నింకఁ దప్పు లేదు యెంచిచూచి
పైపై నమ్మనివారిపాప మింతే కాని
చ.3:
బంతిఁ బురాణములను భక్తసులభుఁడ నని
అంతరాత్మ వీమాట అడితివి తొలుతనే
ఇంతట శ్రీవేంకటేశ యేమిసేతువయ్య నీవు
పంతాన నమ్మనివారిపాప మింతేకాని