ఈ పుట ఆమోదించబడ్డది
రేకు: 0093-04 రామక్రియ సం: 01-462 అంత్యప్రాస
పల్లవి:
మహి నింతటివారువో మనవారు
బహుమహిమలవారు ప్రపన్నులు
చ.1:
జయమంది జననపుజరామరణముల-
భయములేనివారు ప్రపన్నులు
క్రియలెల్ల నుడిగి మూఁగినకర్మపుటడవి
బయలుచేసినవారు ప్రపన్నులు
చ.2:
ధీరులై మాయంధకారంబు నెదిరించి
పారఁదోలినవారు ప్రపన్నులు
సారమయ్యినసంసారసాగరము
పారముగన్నవారు ప్రపన్నులు
చ.3:
అండ నిన్నిటాయఁ దనిసి యాసలెల్లాఁ దెగఁగోసి
పండినమనసువారు ప్రపన్నులు
దండిగా శ్రీవేంకటేశుదాసులై పరముతోవ
బండిబాట చేసినారు ప్రపన్నులు