ఈ పుట ఆమోదించబడ్డది
రేకు: 0089-05 అలిత సం: 01-439 శరణాగతి
పల్లవి:
ఇరవగువారికి యిహపర మిదియే
హరిసేవే సర్వాత్మలకు
చ.1:
దురితమోచనము దుఃఖపరిహరము
హరినామమెపో ఆత్మలకు
పరమపదంబును భవనిరుహరణము
పరమాత్ముచింతే ప్రపన్నులకు
చ.2:
సారము ధనములు సంతోషకరములు
శౌరికథలు సంసారులకు
కోరినకోర్కియు కొంగుబంగరువు
సారె విష్ణుదాస్యము లోకులకు
చ.3:
యిచ్చయగుసుఖము యిరవగుపట్టము
అచ్చుతుకృప మోక్షార్థులకు
అచ్చపు శ్రీవేంకటాధిపు శరణము
రచ్చల మాపాలిరాజ్యపు సుగతి