ఈ పుట ఆమోదించబడ్డది
రేకు:0087-01 రామక్రియ సం; 01-423 వైష్టవ భక్తి
పల్లవి:
సులభమా యిందరికి జూడ సులభముగాక
కలిగె మీకృప నాకుఁ గమలారమణా
చ.1:
సతతదయాచారసంపన్నుఁడై మఱికదా
అతిశయవైష్టవాన కరుహుడౌట
వ్రతోపవాసతీర్థవరసిద్దుఁడైకదా
మితిమీరి నరహరి మీదాసుఁడౌట
చ.2:
సకలయజ్ఞఫలము సత్యము ఫలముగదా
ప్రకటించి విష్ణునామపాఠకుఁడౌట
అకలంకమతితోడ నాజన్మశుద్దుఁడైకదా
అకుటిలమగుమీచక్రాంకితుఁడౌట
చ.3:
కెరలి సదాచార్యకృప గలిగినగదా
నిరతి శ్రీవేంకటేశ నిన్నుఁ గనుట
మరిగి మీపై భక్తి మఱి ముదిరినఁ గదా
అరయ మీకే శరణాగతుఁడౌట
