ఈ పుట ఆమోదించబడ్డది
రేకు: 0084-05 లలిత సం; 01-409 భగవద్గీత కీర్తనలు
పల్లవి:
సర్మాంతరాత్ముడవు శరణాగతుడ నేను
సర్వాపరాధినైతి చాలుఁజాలునయ్యా
చ.1:
వూరకున్న జీవునికి వొక్కొక్క స్వతంత్ర మిచ్చి
కోరేటి యపరాథాలు కొన్ని వేసి
నేరకుంటే నరకము నేరిచితే సర్షమంటా
దూరవేసే వింతేకాక దోష మెవ్వరిదయ్యా
చ.2:
మనసు చూడవలసి మాయలు నీవే కప్పి
జనులకు విషయాలు చవులు చూపి
కనుఁగొంటే మోక్షమిచ్చి కానకుంటె కర్మమిచ్చి
ఘనము సేసే విందు గర్త లెవ్వరయ్యా
చ.3:
వున్నారు ప్రాణులెల్లా నొక్కనీ గర్భములోనే
కన్న కన్న భ్రమతలే కల్పించి
యిన్నిటా శ్రీవేంకటేశ యేలితివి మమ్ము నిట్టె
నిన్ను నన్ను నెంచుకొంటే నీకే తెలుసునయ్యా
