ఈ పుట ఆమోదించబడ్డది
రేకు: 0083-04 గుండక్రియ సం; 01-402 వైష్ణవ భక్తి
పల్లవి:
మరిగి వీరిపో మాదైవంబులు
కెరలిన హరి సంకీర్తనపరులు
చ.1:
వినియెడి వీనుల విష్ణుకథలకే
పనిగొందురు మాప్రపన్నులు
కనియెడి కన్నులు కమలాక్షునియం
దనువుపరతు రటు హరిసీవకులు
చ.2:
పలికెడిపలుకులు పరమాత్మునికై
యలవరతురు శరణాగతులు
తలఁచేటి తలఁపులు ధరణీధరుపై
తలకొలుపుదు రాతదియ్యులు
చ.3:
కరముల శ్రీపతికైంకర్యములే
మురియుచుఁ జేతురు ముముక్షులు
యిరవుగ శ్రీవేంకటేశ్వరు మతమే
సిరుల నమ్ముదురు శ్రీవైష్ణువులు
