ఈ పుట ఆమోదించబడ్డది
రేకు:0082-02 రామక్రియ సం: 01-394 దశావతారములు
పల్లవి:
సులభుఁడు మధుసూదనుఁడు మన-
మెలమి నమ్మిన నిట్టే సుండీ
చ.1:
పడుచు మాటన కా ప్రహ్లాదునెదుట
పాడచూపె నాదిపురుషుఁడు
అడవి దేహనక అదంతిమొఱకును
తడవి కాచిన దైవము సుండీ
చ.2:
ఆడుమాటలనక అంతలో ద్రౌపదిని
వాడిమి గాచిన వరదుఁడు
పోఁడిమిఁ బేదనక పొందిన కుచేలుని
వీఁడె సంపదిచ్చె విష్ణుఁడు సుండీ
చ.3:
వీరువారన కిదె వేఁడిన వరములు
సారెకు నిచ్చిన సర్వేశుఁడు
మేరతో లోకముల మెఱసె నిప్పుడును
యీరీతి శ్రీవేంకటేశుఁడే సుండీ
