ఈ పుట ఆమోదించబడ్డది
రేకు: ౦082-01 దేవగాంధారి సం; 01-393 భక్తి
పల్లవి:
విధి నిషేధము లకు వెఱవఁగఁ బనిలేదు
మధుసూదన నీమన్నన దాసుడైతే
చ.1:
విడువరానిధర్మ విధుల పురుషులను
విడిచి గోపికలు విచ్చనవిడి
బడి నిన్ను దగులుటే పరమధర్మ మాయ
యెడయునితర ధర్మాలిక నేటికయ్యా
చ.2:
మానరాని కర్మమార్గము అటు మాని
పూనినయతులే పూజ్యులట
నీనారాయణనియతే ధర్మమాయ
యీనిజ మొకటియు నెఱగఁగఁవలయు
చ.3:
యిన్నిట శ్రీవేంకటేశ నీదాసుఁడై
వున్న విచారాల నొదుగనేలా
నిన్ను గూర్చినట్టి నిజభక్తి గలదని
తిన్ననై తెలిపేటి తెలివే కలది