ఈ పుట ఆమోదించబడ్డది
రేకు: 0079-06 లలిత సం: 01-381 శరణాగతి
పల్లవి:
అంతర్యామీ అలసితి సాలసితి
యింతట నీ శరణిదె చొచ్చితిని
చ.1:
కోరిన కోర్కులు కోయని కట్లు
తీరవు నీవవి తెంచక
భారపుఁ బగ్గాలు పాపపుణ్యములు
నేరుపులఁ బోనీవు నీవు వద్దనక
చ.2:
జనుల సంగములఁ జక్కరోగములు
నిను విడువవు నీవు విడిపించక
వినయపు దైన్యము విడువని కర్మము
చనదిది నీవిటు సంతపరచక
చ.3:
మదిలో చింతలు మయిలలు మణుఁగులు
వదలవు నీవవి వద్దనక
యెదుటనేఁ శ్రీవేంకటేశ్వర నీవదె
అదనఁ గాచితివి అట్టిట్టనక
