ఈ పుట ఆమోదించబడ్డది
రేకు: 0070-06 సామంతం సం; 01-369 అధ్యాత్మ
పల్లవి:
అతనికెట్ల సతమైతినో కడు-
హితవో పొందులహితవో యెఱఁగ
చ.1:
హృదయము తలఁపున నిరవయినఁగదా
పదిలమౌను లోపలిమాట
వెదకినచిత్తము వెర వెఱఁగదు నే -
నెదిరి నెఱఁగ నే నేమియు నెఱఁగ
చ.2:
కాలూఁద మనసు గలిగికదా నా-
తాలిమి మతిలోఁ దగులౌట
మేలిమిపతిలో మెలఁగుటేదో నే -
నేలో నే నిపుడెక్కడో యెఱఁగ
చ.3:
నేఁడని రేపని నే నెఱిఁగికదా
పోఁడిమి మతిలో పొలుపౌట
వాఁడే వేంకటేశ్వరుఁడు రాఁగలిగె
ఆఁడుజన్మమేనౌటిది యెఱుఁగ