ఈ పుట ఆమోదించబడ్డది
రేకు: 0070-05 ముఖారిసం: 01-368 ఉత్సవ కీర్తనలు
పల్లవి:
భోగీంద్రులును మీరుఁబోయి రండు
వేగిన మీఁదటి విభవాలకు
చ.1:
హరుఁడ పోయిరా అజుఁడ నీవును బోయి
తిరిగిరా మీఁదటి తిరుణాళ్ళకు
సురలు మునులును భూసురులుఁభోయి రండు
అరవిరి నిన్నాళ్ళు నలసితిరి
చ.2:
జముఁడ పోయిరా శశియు నీవును బోయి
సుముఖుఁడవై రా సురలఁ గూడి
గుములై దికృతులు దిక్కులకుఁ బోయి రండు
ప్రమదాన నిన్నాళ్ళు బడలితిరి
చ.3:
నారద సనకసనందనాదులు
భూరి విభవములఁ బోయిరండు
దూరముగాఁ బోకిట్టే తొరలి వేంకటగిరిఁ
జేరి నన్నిట్లనే సేవించుఁడీ
