ఈ పుట ఆమోదించబడ్డది
రేకు: 0070-02 శ్రీరాగం సం; 01-365 భక్థి
పల్లవి:
అణురేణు పరిపూర్జుఁడైన శ్రీవల్లభుని
బ్రణుతించువారువో బ్రాహ్మలు
చ.1:
హరి నామములనె సంధ్యాది విథులొనరించు
పరిపూర్ణమతులు వో బ్రాహ్మలు
హరి మంత్ర వేద పారాయణులు హరి భక్తి
పరులైన వారువో బ్రాహ్మలు
చ.2:
యేమి చూచినను హరి యిన్నిటాఁ గలఁడనుచు
భావించువారువో బ్రాహ్మలు
దేవకీనందనుఁడె దేవుఁడని మతిఁదెలియు
పావనులు వారువో బ్రాహ్మలు
చ.3:
ఆదినారాయణుని ననయంబుఁ దమయాత్మఁ
బాదుకొలిపిన వారు బ్రాహ్మలు
వేద రక్షకుఁడైన వేంకట గిరీశ్వరుని
పాద సేవకులవో బ్రాహ్మలు
