ఈ పుట ఆమోదించబడ్డది
రేకు: 0070-01 ఆహిరి సం: 01-364 భక్తి
పల్లవి:
ఏపనులు సేసినా నిటువలెనేపో
యీపనికిఁ జొరనిపని యేటిలోపైరు
చ.1:
హరికథలమీఁదిప్రియమబ్బు నా తొంటితమ....
పరిపక్వమగుఁ దప: ఫలముగాక
గరిమె నివిలేకున్నఁ గలకాలములుఁ జేయు
నిరతంపుఁదపమెల్ల నీటిలో వ్రాత
చ.2:
నారాయణునిభక్తి ననిచెనా ధనమెల్లఁ
బారఁజల్లిన దానఫల మదియపో
కోరి యివి లేకున్న కోటిదానములైన
పేరుకొని వరతఁగలపినచింతపండు
చ.3:
వదల కిటు వేంకటేశ్వరుఁడే దైవంబనుచుఁ
జదువఁగలిగిన మంచిచదు వదియపో
పదిలముగ నీవిధము పట్టియ్యకుండినను
చదువు లసురలు మున్ను చదివేటిచదువు
