ఈ పుట ఆమోదించబడ్డది
రేకు: 0001-02 దేసాక్షి సం: 01-002 వేంకటేశ్వరౌషధము
పల్లవి: వేదవేద్యులు వెదకేటిమందు
అదినంత్యములేని ఆమందు
చ. 1: అడవిమందులుఁ గషాయములు నెల్లవారు
కడగానక కొనఁగాను
తొడిఁబడ నొకమందు దొరకె మాకు భువి-
నడియాలమైనట్టి ఆమందు
చ. 2: లలితరసములుఁ దైలములు నెల్లవారు
కలకాలము గొనఁగాను
చెలువైన దొకమందు చేరె మాకు భువి-
నలవిమీఱినయట్టియామందు
చ. 3: కదిసినజన్మరోగముల నెల్లవారు
కదలలేక వుండఁగాను
అదన శ్రీతిరువేంకటాద్రిమీఁదిమందు
అదివో మాగురుఁడిచ్చె నామందు
