ఈ పుట ఆమోదించబడ్డది
రేకు: 0047-02 దేవగాంధారి సం; 01-287 అథ్యాత్మ
పల్లవి:భారమైన వేఁపమాను పాలువోసి పెంచినాను
తీరని చేఁదేకాక తియ్యనుండీనా
చ.1:పాయఁదీసి కుక్కతోఁక బద్దలువెట్టి బిగిసి
చాయ కెంత గట్టిగాను చక్కనుండీనా
కాయవు వికారమిది కలకాలముఁ జెప్పినా
పోయిన పోకలేకాక బుద్ది వినీనా
చ.2:ముంచి ముంచి నీటిలోన మూల నానఁ బెట్టుకొన్నా
మించిన గొడ్డలి నేఁడు మెత్తనయ్యీనా
పంచమహాపాతకాల బారిఁబడ్డ చిత్తమిది
దంచిదంచి చెప్పినాను తాఁకి వంగీనా
చ.3:కూరిమితోఁ దేలుఁదెచ్చి కోకలోన బెట్టుకొన్నా
సారెసారెఁ గుట్టుగాక చక్కనుండీనా
వేరులేని మహిమల వేంకటవిభుని కృప
ఘోరమైన ఆస మేలుకోర సోఁకీనా
