ఈ పుట ఆమోదించబడ్డది
రేకు: 0047-01 ముఖారిసం: 01-286 అథ్యాత్మ
పల్లవి:ఏమీ నెఱఁగనినా కేడపుణ్యము
తామసుండఁజుమ్మీ ముందరునున్న దైవమా
చ.1:పాతకపుఁజేతులనే పట్టి నిన్నుఁ బూజించు-
ఘాఁతుకుఁడ నాకు నెక్కడి పుణ్యము
చేతనముఁ బోదిసేయుచిత్తము నీదేకాన
రాతిబొమ్మఁజుమ్మీ భారము నీది దైవమా
చ.2: వూనినయెంగిలినోర నొప్పగునిన్నుఁ బొగడు-
హీనజంతువునకు నా కేఁటిపుణ్యము
తేనెవూసీ నీ విట్లాఁ దిప్పఁగానే తిరిగేటి-
మానిబొమ్మఁజుమ్మీ నామతిలోనిదైవమా
చ.3: జాలిఁబడి సంసారజలధిలో మునిఁగేటి
కూళఁడ నాకేఁటితేఁకువపుణ్యము
పాలువోసిపఫైంచిననాపాలి వేంకటేశనే
తోలిబొమ్మఁజుమ్మీ కాతువుగాని దైవమా