ఈ పుట ఆమోదించబడ్డది
రేకు:౦౦46-03 కన్నడగౌళ సం: 01-282 ఉపమానములు
పల్లవి:ఇంత సేసెఁబో దైవ మింతలోననే అయ్యో
సంతపాకలంంజఁ దెచ్చి సన్యాసిఁ జేసె
చ.1:పరిగెలేరేటివానిఁ బట్టపురాజుఁగా
నిరతభోగము లిచ్చి నిలిపినట్లు
ధరలోన నతిపాతకుని నన్ను నిట్లు
అరయ నిత్తడిఁ దెచ్చి యపరంజిఁ జేసె
చ.2:కుక్కలవండుకతినే కులహీనునిఁ దెచ్చి
వెక్కసఁబాఁపనిఁ గావించినయట్లు
దిక్కులెఱఁగఁగఁ గష్టదేహిని నన్నుఁ దెచ్చి
గక్కనఁ దెలుకపిండి కస్తూరి సేసె
చ.3:చెడుగైనదోమఁ దెచ్చి సింహపుఁగొదమఁగా
బెడిదంప్తుఁ బ్రేమతోడఁ బెంచినయట్లు
కడునధముని వేంకటపతి నను నిటు
చిడిపిరాయి దెచ్చి చింతామణి సేసె