ఈ పుట ఆమోదించబడ్డది
రేకు: 0045-05 సాళంగనాట సం; 01-277 దశావతారములు
పల్లవి:ఎట్టివారికినెల్ల నిట్టికర్మములు మా-
యెట్టివారికి నింక నేది తోవయ్య
చ.1:పాముఁజంపిన యట్టిపాతకమునఁ బెద్ద -
పాముమీఁద నీకుఁ బవళించవలసె
కోమలిఁ జంపిన కోఱఁతవల్ల నొక్క-
కోమలి నెదఁ బెట్టుకొని యుండవలసె
చ.2:బండి విఱిచినట్టి పాతకమునఁ బెద్ద
బండిబోయుఁడవై పనిసేయవలసె
కొండవెఱికి నట్టిగుణమునఁ దిరుమల-
కొండమీఁద నీకుఁ గూచుండవలసె