ఈ పుట ఆమోదించబడ్డది
రేకు: 0041-04 శ్రీరాగం సం: 01-252 వేంకటగానం
పల్లవి:ఇతరులకు నిను నెరుగతరమా సతత సత్యవ్రతులు
సంపూర్ణమోహవిరహితు లెఱుగుఁదురు నినునిందిరారమణా
చ.1:నారీకటాక్షపటు నారాచభయరహిత-
శూరులెఱుఁగుదురు నినుఁ చూచేటి చూపు
ఘోరసంసార సంకులపరిచ్చేదులగు-
ధీరులెఱుఁగుదురు నీదివ్యవిగ్రహము
చ.2:రాగభోగవిదూర రంజితాత్ములు మహా-
భాగు లెరుఁగుదురు నినుఁ బ్రణుతించువిధము
ఆగమోక్త ప్రకారాభిగమ్యులు మహా-
యోగులెఱుఁగుదురు నీవుండేటివునికి
చ.3:పరమభాగవత పదపద్మసేవానిజా-
భరణులెఱుఁగుదురు నీ పలికేటిపలుకు
పరగు నిత్యానంద పరిపూర్ణ మానస-
స్టిరు లెఱుఁగుదురు నినుఁ దిరువేంకటేశ