ఈ పుట ఆమోదించబడ్డది
రేకు: 0౦41-02 వరాళి సం: 01-250 అధ్యాత్మ
పల్లవి:ఏమి నేయువార మిఁకను
ఆమని చేలపచ్చలాయ బ్రదుక
చ.1:దీపనమనియెడి తీరని యాస
రేపుమాపుఁ బెడరేఁచఁగా
తోపునేయఁగరాక దురితపుతరవుల -
కాపదలకు లోనాయ బ్రదుకు
చ.2:వేడుకనెడి పెద్దవిడువనితరవు
వోడ కెపుడు వొద్దనుండఁగా
జోడు విడువరాక చులుకఁదనంబున-
కాడికెలకు లోనాయ బ్రదుకు
చ.3:మమకారమనియెడిమాయతరవు
తిమిర మెక్కించుక తియ్యఁగా
విమలమూరితియైన వేంకటగిరిపతి
అమరఁ జేరక యరవాయ బ్రదుకు