ఈ పుట ఆమోదించబడ్డది
రేకు: 0004-04 ఆహిరి సం: 01-024 అధ్యాత్మ
పల్లవి: వననిధిఁ గురిసిన వానలివి మతి-
పనిలేని పనుల భారములు
చ. 1: అడవుల వెన్నెల లారిడి బదుకులు
తడతాఁకుల పరితాఁపములు
వొడలొసఁగిన హరి నొల్లక యితరుల
బడి బడిఁ దిరిగిన బంధములు
చ. 2: కొండల నునుపులు కొనకొన మమతలు
అండలఁ కేగిన నదవదలు
పండిన పంటలు పరమాత్ము విడిచి
బండయి తిరిగిన బడలికలు
చ. 3: బచ్చన రూపులు పచ్చల కొలపులు
నిచ్చలనిచ్చల నెయ్యములు
రచ్చల వేంకటరమణునిఁ గొలువక
చచ్చియుఁ జావని జన్మములు
