ఈ పుట ఆమోదించబడ్డది
రేకు: 0038-06 దేవగాంధారి సం: 01-236 అధ్యాత్మ
పల్లవి: ఏమిఫలము దా నిన్నియునుఁ దెలిసినను
సామునేసిన ఫలము జయశీలుఁడౌట గాక
చ. 1: తానుగలిగిన ఫలము దయ సేయఁగలుగుట
మేనుగలిగిన ఫలము మేలెల్ల గనుట
మానుషముగల ఫలము మంచివాఁడౌట తనుఁ
దానె తెలిసినఫలము తత్వపరుఁడౌట గాక
చ. 2: పదిలమగు కులము గల ఫలము తాఁజదువుట
చదివినఫలం బర్ధసారంబు గనుట
పొదలి శాస్త్రర్థంబు పొడగన్న ఫలము మతి
దలఁకకిటు వేంకటేశుదాఁడౌట గాక