రేకు: 0038-05 శ్రీరాగం సం; 01-235 అధ్యాత్మ
పల్లవి: వెఱతు వెఱతు నిండువేడుకపడ నిట్టి-
కుఱుచబుద్దుల నెట్టు గూడుదునయ్య
చ.1: దేహమిచ్చినవానిఁ దివిరి చంపెడువాఁడు
ద్రొహిగాక నేఁడు దొరయట
ఆహికముగ నిట్టి అధమవ్రిత్తికి నే
సాహమున నెట్టు చాలుదునయ్య
చ.2: తోడఁబుట్టినవాని తొడరి చంపెడువాఁడు
చూడ దుష్టుఁడుగాక సుకృతియట
పాడైనయిటువంటిపాపబుద్దులుసేసి
నీడ నిలువ నెట్టు నేరుతునయ్య
చ.3: కొడుకు నున్నతమతిఁ గోరి చంపెడువాఁడు
కడుఁబాతకుఁడుగాక ఘనుఁడట
కడలేనియటువంటికలుషవ్రిత్తికి నాత్మ
వొడఁబరపఁగ నెట్లోపుదునయ్య
చ.4: తల్లిఁ జంపెడువాఁడు తలఁప డుష్టుఁడుగాక
యెల్లవారల కెల్ల నెక్కుడట
కల్లరియనుచు లోకము రోయుపని యిది
చెల్లఁబోనే నేనేమి సేయుదునయ్య
చ.5: యింటివేలుపు వేంకటేశ్వరుఁ దనవెంట-
వెంటఁదిప్పెడువాఁడు విభుఁడట
దంటనై యాతనిదాసానుదాసినై
వొంటినుండెద నేమి నొల్ లనోయయ్య
