ఈ పుట ఆమోదించబడ్డది
రేకు: 0038-02 సామంతం సం: 01-232 అధ్యాత్మ
పల్లవి: నీవనఁగ నొకచోట నిలిచివుండుటలేదు
నీవనుచుఁ గనుఁగొన్న నిజమెల్ల నీవే
చ. 1: తనయాత్మవలెనె భూతములయాతుమలెల్ల -
ననయంబుఁ గనుఁగొన్నయతఁడే నీవు
తనుఁగన్న తల్లిఁగా తగనితరకాంతలను
ఆనఘఁడై మదిఁజూచునతఁడే నీవు
చ. 2: సతతసత్యవ్రతాచారసంపన్నుఁడై
ఆతిశయంబుగ మెలఁగునతఁడే నీవు
ధృతిదూలి ద్రవ్యంబు తృణముగా భావించు-
హతకాముకుఁడైనయతఁడే నీవు
చ. 3: మోదమున సుఖదుఃఖములు నొక్క రీతిగా
నాదరింపుచునున్న యతఁడే నీవు
వేదోక్తమతియైన వేంకటాచలనాథ
ఆదియును నంత్యంబు నంతయును నీవే
