రేకు: 0037-01 మలహరి సం: 01-227 తిరుపతి క్షేత్రం
పల్లవి: అదె చూడు తిరువేంకటాద్రి నాలుగు యుగము
లందు వెలుగొందీ ప్రభ మీరఁగాను
చ.1: తగ నూటయిరువై యెనిమిది తిరుపతుల గల
స్థానికులును చక్రవర్తి పీఠకములును
అగణితంబైన దేశాంత్రుల మఠంబులును
నధికమై చెలువొందఁగాను
చ.2: మిగుల నున్నతములగు మేడలును మాడుగులు
మితిలేని దివ్య తపసులున్న గృహములును
వొగి నొరగుఁ బెరుూమాళ్ళ వునికి పట్టయివెలయు
దిగువ తిరుపతి గడవఁగాను
చ.3: పొదలి యరయోజనము పొడవుననుఁ బొలుపాంది
పదినొండు యోజనంబుల పరపుననుఁ బరగి
చెదరకే వంక చూచిన మహాభూజములు
సింహశార్జూలములును
చ.4: కదిసి సురవరలు కిన్నరులు కింపురుషులును.....
గరుడ గంధర్వ యక్షులును విద్యాధరులు
విదితమై విహరించు విశ్రాంతదేశముల
వేడుకలు దైవారగాను
చ.5: యెక్కువల కెక్కువై యెసఁగి వెలసిన పెద్ద-
యెక్కు డతిశయముగా నెక్కి నంతటిమీఁద
అక్కజంబైన పల్లవరాయని మటము
అలయేట్లపేడ గడవ
చక్కనేఁగుచు నవ్వచరిఁ గడచి హరిఁ దలఁచి
మొక్కుచును మోకాళ్ళముడుగు గడచిన మీఁద-
