ఈ పుట ఆమోదించబడ్డది
రేకు: 0036-01 పాడి సం: 01-220 వైరాగ్య చింత
పల్లవి: ఏడ వలపేడ మచ్చిక ఏడ సుద్దులు
ఆడుకొన్న మాటలెల్లా నవి నిజాలా
చ.1: తొలుకారు మెఱుపులు తోచి పోవుఁగాక
నెలకొని మింట నవి నిలిచీనా
పాలఁతుల వలపులు పొలసిపోవుఁగాక
కలకాలం బవి కడతేరినా
చ.2: యెండమావులు చూడ నేరులై పారుఁగాక
అండకుఁబోవ దాహ మణఁగీనా
నిండినట్టి మోహము నెలఁతల మదిఁ జూడ
వుండినట్టేవుండుఁగాక వూఁతయ్యినా
చ.3: కలలోనిసిరులెల్ల కనుకూర్కులేకాక
మెలఁకువఁ జూడ నవి మెరసీనా
అలివేణులమేలు ఆసపాటేకాక
తలఁపు వేంకటపతిఁ దగిలీనా
