ఈ పుట ఆమోదించబడ్డది
రేకు: 0035-05 ఆహిరి సం: 01-218 వైరాగ్య చింత
పల్లవి: ఏమి గలిగెను మా కిందువలన
వేమారుఁ బొరలితిమి వెఱ్ఱిగొన్నట్లు
చ.1: తటతటన నీటిమీఁదట నాలజాలంబు-
లిటునటుఁ జరించవా యీఁది యీఁది
అటువలెనెపో తమకమంది సంసారంపు-
ఘటనకై తిరిగితిమి కడ గానలేక
చ.2: దట్టముగఁ బారావతముల మిన్నుల మోవ
కొట్టఁగొన కెక్కవా కూడి కూడి
వట్టియాసలనే యిటువలెనేపో యిన్నాళ్ళు
బట్ట బయ లీఁదితిమి పనిలేనిపాట
చ.3:బెరసి కుమ్మరపురువు పేఁడలోపలనెల్ల
పారలదా పలుమారుఁ బోయిపోయి
వరుస జన్మముల నటువలెనె పొరలితిమి
తిరువేంకటాచలాధిపుఁ దలఁచలేక