ఈ పుట ఆమోదించబడ్డది
రేకు: 0౦35-04 ముఖారి సం: 01-217 అధ్యాత్మ
పల్లవి:వెరపులు నొరపులు వృథా వృథా
ధరపై మరయంతయును వృథా
చ.1: తడయక చేసినదానంబులు వృథ
యెడనెడ నెఱిఁగిన యెఱుక వృథా
వొడలిలోనిహరి నొానరఁగ మతిలోఁ
దడవనిజీవమె తనకు వృథా
చ.2: జగమునఁ బడిసినసంతానము వృథ
తగిలి గడించినధనము వృథ
జగదేకవిభుని సకలాత్ముని హరిఁ
దెగి కొలువనిబుద్దియును వృథా
చ.3:పనివడికూడిన పరిణామము వృథ
వొనరఁగనుందినవునికి వృథా
ఘనుఁడుగు తిరువేంకటగిరి హరిఁగని
మననేరని జన్మములు వృథా
