రేకు: 0029-02 కాంబోది సం: 01-177 వైరాగ్య చింత
| పల్లవి: |
గడ్డపార మింగితే నాఁకలి దీరీనా యీ-
వొడ్డినభవము దన్ను వోడ కమ్ముఁగాక
|
|
| చ. 1: |
చించుక మిన్నులఁ బారేచింకలను బండిఁ గట్టి
వంచుకొనేమన్న నవి వసమయ్యీనా
యెంచరాని యింద్రియము లెవ్వెరికి నేల చిక్కు
పొంచి పొంచి వలపులు బొండఁబెట్టుఁగాక
|
|
| చ. 2: |
మంటమండేయగ్గి దెచ్చి మసిపాఁత మూఁటగట్టి
యింటిలోన దాఁచుకొన్న నితవయ్యీనా
దంటమమకార మిట్టే తన్నునేల సాగనిచ్చు
బంటుఁజేసి ఆసలనే పారఁదోసుఁగాక
|
|
| చ. 3: |
పట్టరాని విషములపాముఁ దెచ్చి తలకిందఁ
బెట్టుకొన్నా నది మందపిలి వుండీనా
వెట్టసంసార మిది వేంకటేశుఁ గొలువని-
వట్టిమనుజుల పెడవాడఁబెట్టుఁగాక
|
|
